బాబాయ్ తో అబ్బాయ్.. అబ్బా ఒకే ఫ్రేమ్‌లో ఎంత చూడ ముచ్చటగా ఉన్నారో!
దిశ, సినిమా:ప్రస్తుతం ఏపీలో ఎన్నికల హడావిడిని మనం చూస్తున్నాం. ముఖ్యంగా ఈసారి పిఠాపురం నుంచి పవర్ స్టార్ పవన్ కళ్యాణ్ పోటీ చేస్తున్న విషయం మనకు తెలిసినదే. ఆయన గెలుపు కోసం అనేక మంది హీరోలు, డైరక్టర్‌లు, హీరోయిన్‌లు, జబర్ధస్థ్ నటులు స్వయంగా పిఠాపురం వచ్చి ప్రచారం చేస్తున్నారు. అంతేకాదు మెగా ఫ్యామిలీ మొత్తం కూడా ఆయన గెలుపు కోసం ప్రచారం చేయడానికి పిఠాపురం కదిలి వస్తున్నారు.
ఇప్పటికే ఆయన బ్రదర్ నాగబాబు ..నాగబాబు భార్య ..నాగబాబు కొడుకు వరుణ్ తేజ్ ..సాయి ధరంతేజ్ తమదైన స్టైల్ లో పిఠాపురంలో పవన్ కళ్యాణ్ పార్టీ తరఫున ప్రచారం చేశారు. అంతేకాదు మెగాస్టార్ చిరంజీవి సైతం వీడియో రూపంలో జనసేన అధినేత పవన్ కళ్యాణ్ కు ఓటు వేసి గెలిపించాలని పిఠాపురం వాస్తవ్యులకు స్పెషల్ రిక్వెస్ట్ చేశారు.అదే విధంగా లాస్ట్ రోజు ఎన్నికల ప్రచారంలో భాగంగా మెగాస్టార్ చిరంజీవి భార్య సురేఖ అలాగే కొడుకు రామ్ చరణ్ జనసేన పార్టీ అధినేత పవన్ కళ్యాణ్ పోటీ చేస్తున్న పిఠాపురం లో ప్రచారం చేయడానికి ముందుకు వచ్చారు. దీంతో పిఠాపురం హోరెత్తిపోయింది. ఇక ఈరోజు పిఠాపురం ఒక చిన్నపాటి సంద్రంగా మారింది.
ఇక చాలాకాలం తరువాత బాబాయ్- అబ్బాయ్ ఒకే ఫ్రేమ్ లో కనిపించేసరికి అభిమానులు ఆనందం వ్యక్తం చేస్తున్నారు. చరణ్ భుజాన చెయ్యి వేసి పవన్ అభిమానులకు నమస్కారం చేసిన తీరు అందరినీ ఆకర్షించింది. అయితే పవన్ ని గెలిపించడానికి చరణ్ ప్రచారం చేస్తున్నాడు అని తెలియడంతో చుట్టుపక్కల గ్రామాల నుంచి కూడా ప్రజలు తండోపతండాలుగా వచ్చారు.
